أسطورة باب الحارة !!!

اعزائي وأخوتي في هذا المنتدى الكريم والعزيز على قلبي .
وأما بعد : وها قد انتهت الأسطورة وربما أنكم تتساءلون أي أسطورة التي أتكلم عنها .
وبكل فخر أسطورة باب الحارة 1+2+3+4+5 . طبعاً هذه أجزاء الأسطورة ( الله ينجينا من شي سادس مانكون متوقعينه ) المهم :
انتهت تلك الأسطورة ولكن قبل أن تنتهي نشف دمنا من كتر المواضيع التي تهدف الى التوعية الأخلاقية والاجتماعية والنسونجية التي تدور داخل البيت الدمشقي العريق ( على فكرة لم يطرح كاتب الأسطورة غير الموضوع الأخير مما سبق وذكرت لكم ( النسونجي ) ) .
فلانة اتجوزت وفلانة اتطلقت وفلانة حاكت واحد من ورا الباب وفلانأخو فلانة بدو يشختا عالبلوعة ( البلوعة : تعريفها هي مجرى الصرف الصحي في البيت الدمشقي العربي الأصيل ) .
وفلانة ماجابت ولد وفلانة جابت البكر بنت وجوزا زعل ويمكن يكون جن .
بس الشي يلي بخيليني حشش واندهش واللي ما نزل لابميزان ولا بقبان ( على قولتهن ) واللي ماحصل لا بقوانين الأرض ولا بقوانين السما انو فلان بدون ذكر أسماء ( أبو عصام ) عباس النوري : كيف بموت بأربع أجزاء ومنرجع حضرتنا بالجزء الخامس بيطلع من القبر مع العلم انو قوانين البعث من القبور موجودة بس عن العالي القدير جل جلاله .
فكيف بيسمح لنفسو حضرة كاتب الأسطورة انو يعيش بني آدم مات وشبع موت .
فهل يكون كاتب الأسطورة هونفسه الأعور الدجال ( المسيح الدجال ) الذي تكلم عنه الأخ وجدي مسبقاً .
قولكن هالشي معقول وإلى القاء في حلقة جديدة من عند ( بيت جدّي ) من أسطورة المسلسل الدمشقي
( في الحلقة القادة العكيد أبو شهاب !!!!! والصرصور ) .
وموعدنا معكم قريباً وجديدنا أسطورة( بيت جدّي ) .

ع فكرة انا ما شفت المسلسل بس كأني شفتو من كتر ما دارت احداثه( (التافهة) اسف ع هالتعبير بس مافي غيرة بعبر عن هالشي)ع السنة البشر .....جد انا عم انتظر الحلقة الجاية بس مو تبعت الكاتب الاساسي لأ كتابتك انت لان جد روووووووووعة شكراً اروع